Инклюзивті теннис
Серік Төлбасы Қорының қолдауымен паралимпиадалық теннис турнирі өтті
Спорт
Инклюзивті теннис
Серік Төлбасы Қорының қолдауымен паралимпиадалық теннис турнирі өтті
Спорт
Жоба туралы
Алматыда паралимпиадалық теннистен Қазақстан чемпионаты және Special-теннис фестивалі өтті.
Алматыда ерекше маңызды спорттық шара өтті — мұнда Актөбе, Ақтау, Орал, Қарағанды, Астана және Алматы қалаларынан келген 40-тан астам спортшы қатысқан паралимпиадалық теннистен Қазақстан Республикасы чемпионаты өтті. Турнирмен қатар ерекше қажеттіліктері бар адамдар арасында спортты дамыту және инклюзияны ілгерілетуге бағытталған Special-теннис фестивалі ұйымдастырылды.
Ресми тану
Салтанатты ашылу рәсімінде Қазақстан теннис федерациясының атқарушы директоры Дейв Майлиге Ұлттық паралимпиадалық комитеттің сертификаты табысталды. Бұл құжат ФТК-ның жазғы паралимпиадалық спорт түрі — арбамен теннис бойынша уәкілетті спорт федерациясы ретіндегі ресми мәртебесін растайды.
«Арбамен теннис — әлемдік теннис қауымдастығының толыққанды бөлігі. Біздің спортшылар Уимблдон мен US Open сияқты ең үлкен ареналарда өнер көрсетуге қабілетті. Қазақстандық теннисшілер де әлемдік деңгейде өздерін көрсететініне сенемін. Чемпионат нәтижелері бойынша ұлттық құрама жасақталып, келесі жылы Қытайда өтетін халықаралық жарыстарда ел намысын қорғайтын болады»,
— деді Дейв Майли.
Серік Төлбасы Қорының қолдауы
Турнирдің ресми серіктесі — Серік Төлбасы Қоры, білім мен спорт саласындағы бастамаларды жүйелі түрде қолдап келе жатқан ұйым. Қордың қолдауы арқасында бұл шара жоғары деңгейде ұйымдастырылып, паралимпиадалық теннис Қазақстандағы инклюзивті спортты дамытудың маңызды бағыты ретінде нығая түсті.
«Спорт тең мүмкіндіктер кеңістігіне айналатын жобаларды қолдау біз үшін үлкен мәртебе. Әр бала мен әр спортшы, қандай жағдайда болмасын, өз әлеуетін іске асыра алуы маңызды»,
— деп атап өтті Қор өкілдері.
Нәтижелер мен болашақ
Чемпионат еліміздегі паралимпиадалық қозғалысты дамытудың маңызды кезеңіне айналды. Ол спортшыларды, жаттықтырушыларды, ұйымдастырушылар мен серіктестерді біріктіріп, қатысушыларға жарыс рухын, ал қоғамға — спорттың өмірді өзгерту мүмкіндігін көрсететін шабыт сыйлады.
Ұйымдастырушылар барлық спортшыларға, бапкерлерге, жанкүйерлерге және, әсіресе, Серік Төлбасы Қорына турнирдің табысты өтуіне қосқан үлесі мен Қазақстандағы инклюзивтік бастамаларға көрсеткен қолдауы үшін алғыс білдіреді.
